- 20 گرادۋس اياز: جەلتوقسان ايىنا ارنالعان اۋا رايى بولجامى 

جەلتوقساننىڭ باسىندا جانە ءبىر ايدىڭ ىشىندە رەسپۋبليكامىزدىڭ باسىم بولىگىندە اۋا رايىنىڭ تۇراقسىز سيپاتى كۇتىلەدى. سولتۇستىك وڭىردە قار, اراكىدىك بوران سوعادى, وڭتۇستىك وڭىرلەردە جاۋىن-شاشىن بولادى (جاڭبىر, قار). رەسپۋبليكامىز بويىنشا تۇمان, كوكتايعاق ءجيى ورىن الادى, ايدىڭ باسىندا ەلىمىزدىڭ سولتۇستىك-باتىسىندا جانە سولتۇستىگىندە سوققان جەلدىڭ ەكپىنى 30 م/س جانە ودان دا جوعارى بولادى دەپ بولجانادى. جەلتوقساننىڭ ءبىرىنشى ونكۇندىگىنىڭ ەكىنشى جارتىسىندا اركتيكالىق سۋىق اۋا ماسسالارىنىڭ ىعىسۋىنا بايلانىستى بۇكىل ەل اۋماعىندا اۋا تەمپەراتۋراسى ايتارلىقتاي تومەندەيدى.

ەلدىڭ باتىسىندا اۋا تەمپەراتۋراسى: تۇندە: -10...-20 گرادۋسقا دەيىن, كۇندىز: -3...-13 گرادۋسقا دەيىن سۋىق بولادى.

سولتۇستىكتە, سولتۇستىك-باتىستا, شىعىستا جانە ورتالىقتا اۋا تەمپەراتۋراسى تۇندە: -20...-30 گرادۋسقا دەيىن, كۇندىز -10...-20 گرادۋسقا دەيىن بولادى دەپ كۇتىلەدى.

رەسپۋبليكامىزدىڭ وڭتۇستىگىندە جانە وڭتۇستىك-شىعىسىندا تۇندە: -10...-20 گرادۋسقا دەيىن, كۇندىز: -2...-10 گرادۋسقا دەيىن كۇن سۋىتادى.

جەلتوقساننىڭ ەكىنشى جانە ءۇشىنشى ونكۇندىكتەرىندە تسيكلونداردىڭ اسەرىنەن بىرنەشە قارقىندى جىلۋ تولقىندارى جۇرەدى دەپ كۇتىلەدى.

قازاقستاننىڭ سولتۇستىك بولىگىندە اۋا تەمپەراتۋراسى تۇندە: -5...-10 گرادۋسقا دەيىن, كۇندىز: 0...-5 گرادۋسقا دەيىن جوعارىلايدى.

ەلدىڭ وڭتۇستىك بولىگىندە اۋا تەمپەراتۋراسى تۇندە: -3...+3 گرادۋسقا دەيىن, كۇندىز: +5...+13 گرادۋسقا دەيىن بولادى.

الايدا جەكەلەگەن كۇندەرى سولتۇستىك-باتىستان ەنەتىن سۋىق انتيتسيكلونداردىڭ اسەرىنەن تەمپەراتۋرانىڭ تومەندەۋى بولجانادى:

ەلىمىزدىڭ سولتۇستىك بولىگىندە اۋا تەمپەراتۋراسى تۇندە: -20...-30 گرادۋسقا دەيىن, كۇندىز: -8...-15 گرادۋسقا دەيى سۋىتادى.

قازاقستاننىڭ وڭتۇستىك بولىگىندە اۋا تەمپەراتۋراسى تۇندە: -10...-17 گرادۋسقا دەيىن, كۇندىز: -3...-10 گرادۋسقا دەيىن بولادى.

جالپى بولجام بويىنشا جەلتوقسان ايىندا ەل اۋماعىنداعى اۋانىڭ ورتاشا تەمپەراتۋراسى نورمادان 1- گرادۋس جوعارى بولادى دەپ كۇتىلەدى.

جەلتوقساندا جاۋىن-شاشىن مولشەرى رەسپۋبليكامىزدىڭ باسىم بولىگىندە نورما شاماسىندا, رەسپۋبليكانىڭ سولتۇستىگىندە نورمادان كوپ بولادى دەپ بولجانادى.